SchulbetriebQu. Horatius Flacchus, od. III 9
1. (Horaz) |
Donec gratus eram tibi nec quisquam potior bracchia candidae cervici iuvenis dabat, Persarum vigui rege beatior |
|
| 2. (Lydia) | Donec non alia magis arsisti neque erat Lydia post Chloen, multi Lydia nominis, Romana vigui clarior Ilia. |
|
| 3. (Horaz) | Me nunc Thressa Chloe regit, dulcis docta modos et citharae sciens pro qua non metuam mori, si parcent animae fata superstiti. |
|
| 4. (Lydia) | Me torret face mutua Thurini Calais filius Ornyti, pro quo bis patiar mori si parcent puero fata superstiti. |
|
| 5. (Horaz) | Quid si prisca redit Venus diductosque iugo cogit aeneo, si flava excutitur Chloe reiectaeque patet ianua Lydiae? |
|
| 6. (Lydia) | Quamquam sidere pulchrior ille est, tu levior cortice et inprobo iracundior Hadria, tecum vivere amem, tecum obeam lubens. |
|
|
|
||
